Meeqqat Angerlarsimaffiat Uummannaq
Børnehjemmet - The Children's Home

Meeqqat Angerlarsimaffiat pillugu

Uummannami Meeqqat Angerlarsimaffiat 1929-mi tunngavilerneqarpoq peqatigiiffimmit Kalaallit Meerartaannit, meeqqanut napparsimasunut aamma angajoqqaaverunnikunut sanatoriatut. Meeqqat Angerlarsimaffiat Kalaallit Nunaanni ulloq unnuarlu paaqqinniffiit pisoqaanersaraat nunarsuarmilu avannarlersaalluni.

Peqatigiiffik Kalaallit Meerartaat 1950-ikkut qiterpaarnerannut ingerlatsisuuvoq, Kalaallit Nunaata Ministeeriaqarfianut ingerlatsinerup nuunneqarnissaata tungaanut. 1979-imi ingerlatsineq Namminersornerullutik Oqartussanut nuunneqarpoq, 2009-imilu Namminersorlutik Oqartussanit ingerlanneqalerluni.

Uummannami Meeqqat Angerlarsimaffiat meeqqanut inuusuttunullu kalaallinut ulloq-unnuarlu katsorsaanissamik neqeroorfiuvoq, Ilaqutariinnermut Inatsisinillu Atuutsitsinermut Naalakkersuisoqarfiup ataani ulloq-unnuarlu paaqqinniffinnut immikkoortortaqarfimmut nalunaartarluni.

Meeqqat Angerlarsimaffiat Uummannap illoqarfiani inissisimavoq, taannalu tassaavoq Kalaallit Nunaata kitaata avannaani illoqarfik aalisarnermik piniarnermillu ingerlatsiviusoq. Saaffigisarivagut meeqqat inuusuttullu 0-imiik 18-inut ukiullit siusissukkut ajoqusersimasut, sumiginnagaasimanermut attuumassuteqartunik ajornartorsiutillit.

Angerlarsimaffittut katsorsaaviusutut suliassarput tassaavoq meeqqat inuusuttullu toqqissisimasumik siumullu takorloorneqareersinnaasumik ulluinnarisaqartinnissaat, pitsaasunik iluatsitsinernillu misigisaqarfiusumik, tassuunakkut imminut naleqartinneq imminullu tatigineq annertusarneqaqqullugit. Aammattaaq suliassarivarput oqaloqatigiinnikkut katsorsaaneq nipilersornerlu aqqutigalugu katsorsaaneq atorlugit meeqqat inuusuttullu namminneq atugarisaminnik paasinnitsilerlugillu akuersitinnissaat, katsorsaanermi ataatsimoortitsineq imaluunniit asimut angalasarnerit suliniuteqarfiillu aqqutigalugit, tassuunakkut misigisisarsimasaminnik artornartunillu nalaataqartarsimanerminnik akuersisinnaaleqqullugit, taakkunannga inuunertik aqutaritinngikkaluarlugu.

Perorsaanikkut suliatta ilarujussua asimut angalanernik suliniutinulælu peqataanernik ilaqarpoq, tassanilu qimussimik angalanerit ukiorpassuarni pingaarnerpaanikuupput, suliniutinik assigiinngitsunik ilaqartinneqartarlutik, soorlu pisulluni angalanerit, piniarneq aalisarnerlu, nipilersorneq, eqqumiitsuliorneq filmiliornerlu.

Meeqqanik inuusuttunillu sullissinitsinni inuiaqatigiit nutaaliaasut kalaallillu qangaaniilli ileqquisa pingaartitaasalu akuleriisinnissaat pingaartipparput. Taamaaliortarpugut.

Icebergs near Qeqertat. View to the Uummannaq Mountain. The Children's Home Orchestra
Icebergs between Qeqertat and Uummannaq    -    Uummannaq Music Orchestra at concert
Confirmation in Uummannaq Church            -    INUK screening on an iceberg

Confirmation Event in Uummannaq May 2014 INUK screening on iceberg March 2014
Click the photo to see a bigger picture!

Postboks 99 - 3961 Uummannaq - Greenland - bhjumq@greennet.gl
© bhjumq 2017